Den Europäesche Patienterechtsdag, deen all Joer den 18. Abrëll gefeiert gëtt, ass eng Geleeënheet fir d'Wichtegkeet vun de Grondrechter vun de Bierger a Saache Gesondheet ze erënneren. Dësen Dag soll d'Sensibiliséierung vu Patienten a Gesondheetsberuffer iwwer hir Rechter a Pflichten erhéijen, d'Transparenz an d'Qualitéit vun de Gesondheetsservicer förderen an d'Zesummenaarbecht tëscht Patienten, Gesondheetsspezialisten an Institutiounen encouragéieren.
Ëffentlech Konferenz den 18. Abrëll 2025 am Rehazenter
Dat éischt Recht ass et seng Rechter a Pflichten ze kenne. Gutt informéiert iwwer seng Rechter a Pflichten, kann de opgekläerte Patient sech konstruktiv abrénge. An deem Sënn organiséiert de Service vum Médiateur vun der Gesondheet, an Zesummenaarbecht mat den Akteuren am Gesondheetssystem, eng öffentlech Konferenz:
- Wéini ? 18. Abrëll 2025 vun 10:00 bis 12:00 Auer
- Wou ? Rehazenter, 1 rue André Vésale, L-2674 Luxembourg oder Online (per Teams)
Lëtzebuerg huet zanter 2014 e Gesetz iwwer d’Rechter a Pflichten vum Patient. Vir dat Dir Iech konstruktiv als opgekläerte Patient abrénge kënnt beliichte mer dës Rechter a Pflichten zesummen.
Dir sidd häerzlech invitéiert Är Froen ze stellen.
Duerch d'Thema féieren d’Maïté Poos an de Mike Schwebag.
Aschreiwung per e-Mail erwënscht : info@mediateursante.lu Merci ze preziséieren ob Dir en Presentiel oder per Teams deelhuelen wëllt. De Lien vir d’Connection krit Dir am Virfeld geschéckt. Dësen gëtt och Online op dëser Säit publizéiert.