Den Europäesche Patienterechtsdag, deen all Joer den 18. Abrëll gefeiert gëtt, ass eng Geleeënheet fir un d'Wichtegkeet vun de Grondrechter vun de Bierger a Saache Gesondheet ze erënneren. Dësen Dag soll d'Sensibiliséierung vu Patienten a Gesondheetsberuffer iwwer hir Rechter a Pflichten erhéijen, d'Transparenz an d'Qualitéit vun de Gesondheetsservicer förderen an d'Zesummenaarbecht tëscht Patienten, Gesondheetsspezialisten an Institutiounen encouragéieren.
Online-Konferenz den 18. Abrëll 2026
Dat éischt Recht ass et seng Rechter a Pflichten ze kennen. Gutt informéiert iwwer seng Rechter a Pflichten, kann den opgekläerte Patient sech konstruktiv abrénge. An deem Sënn organiséiert de Service vum Médiateur vun der Gesondheet eng Online-Konferenz:
- Wéini ? Samschdes den 18. Abrëll 2026 vun 10:00 bis 12:00 Auer
- Wou ? Online
Lëtzebuerg huet zanter 2014 e Gesetz iwwer d’Rechter a Pflichten vum Patient. Vir dat Dir Iech konstruktiv als opgekläerte Patient abrénge kënnt beliichte mer dës Rechter a Pflichten zesummen.
Dir sidd häerzlech invitéiert Är Froen ze stellen.
D’Konferenz gëtt op Lëtzebuergesch gehalen, d’Diapositiven sinn op Franséisch. Dir kënnt Iech awer och op Däitsch oder Franséisch ausdrécken.